वी हाथ माई हरियो रूमाल | Devi hath mai hariyo rumaal

देवी हाथ माई हरियो रूमाल,
पगलियो रा जांजर बाजता,
देवी बाजे-बाजे सांझ ने सवेर,
माताजी री जय बोलो।।

देवी कठे जाया ने कठे उपनीया,
देवी कठोडा मे लियो अवतार,
माताजी री जय बोलो।।

देवी कोटा जाया ने बूंदी उपनीया,
देवी बिलाडा मे लियो अवतार,
माताजी री जय बोलो।।

देवी कठे धोया ए माता धोतीया,
देवी कठोडा मे किनो रे बनाव,
माताजी री जय बोलो।।

देवी समंदा में धोया माजी धोतीया,
देवी बागो माय किनो रे बनाव,
माताजी री जय बोलो।

देवी गेर रे घूमालो पेरो घाघरो,
देवी ओडवाने डीकनी रो चीर,
माताजी री जय बोलो।।

देवी पगा में पायल लागे सोनणी,
देवी बिसुढ़ियों लागो रे जड़ाव,
माताजी री जय बोलो।।

देवी हाथा पगा री मेहन्दी राचनी,
देवी चुडला मे सोवे रे मजीर।
माताजी री जय बोलो।।

देवी भगलु ने भोपा ने वाली विनती,
थारा सेवको ने शरणो में राख,
माताजी री जय बोलो।।

Devi hath mai hariyo rumaal = Pehladsingh Charan

🔸 अन्य लोकप्रिय भजन:
माता जी भजन
माता जी भजन |

🙏

आपके पास कोई भजन हो तो आप हमें हमें ईमेल mybhajanbook2011@gmail.com पर भेज सकते है हम आपके भजन को वेब साइट और एप्लीकेशन लिस्ट में जोड़ देंगे
धन्यवाद 🙏

भजन शेयर करें 🙏