रामजी मिल जाई रे नैचो राखो
Ram ji mil jai re naicho rakho(भजन के बोल हिंदी में)

रामजी मिल जाई रे,
नैचो राखो साची बात रो
सवारियों मिल जाई रे,
नैचो राखो साची बात रो ||

प्रभाते उठे ने भायों,
भजन करो हरि नाम रो
मार्ग तों मुक्ति रो लेनो,
सत पुरुषों रे साथ रो
रामजी मिल जाई……||

मात पिता री सेवा कर लो,
तीर्थ गंगा मात रो,
अट्रे दियो रो आगे मिलेला,
लेनो हाथों हाथ रो
रामजी मिल जाई……||

नुगरा नर रो संग नहीं करनौ,
तिरिया चंचल जात रो
नर नारी तो दोनों सुन्लौ,
कारण नहीं हैं जात रो
रामजी मिल जाई……||

साचा सतगुरु साची केवे
मानो उन री बात ने
गोविंदो संन्यासी बोले
चेलों निर्मल नाथ रो
रामजी मिल जाई……||