सफल कमाई महाराज भरतरी | Safal Kamai Maharaj Bharatri

सफल कमाई महाराज भरतरी थारी,
ईश्वर रे कारण जोग फकीरी धारी।।

राजा सूतो महल रे माय तृष्णा जागी,
जॉने मालिया गोरखनाथ भरमना भागी।
सफल कमाई महाराज………||

राजा गयो जंगल रे माय दे रियो हेला,
गुरु मलिया गोरखनाथ मुंद लिया चेला।
सफल कमाई महाराज………||

राजा जाओ महल रे माय दे आओ फेरी,
भिक्षा देवो पिंगला मात करो मत देरी।
सफल कमाई महाराज………||

रानी ऊबी महल रे माय लटीया तोड़े,
राजा एक दिन पकड़यो हाथ प्रीत कोई छोड़े।
सफल कमाई महाराज………||

रानी ऊबी महल माय तड़प रही काया,
थारा मरजो गोरख नाथ राज पाठ छुड़ाया।
सफल कमाई महाराज………||

रानी मत दे गुरु ने गाल करम रेखा न्यारी,
आ तो लिखिया विधाता लेख टले ना टाली।
सफल कमाई महाराज………||

कोई चौवन शिखर रे माय चौकड़ी हेरि,
जहां में गावे जरणानाथ भजन रा लहरी।
सफल कमाई महाराज………||

Safal Kamai Maharaj Bharatri = Prakash Giriji Maharaj