खम्मा खम्मा ओ बाबा| Khamma khamma o baba

खम्मा खम्मा ओ बाबा रुनेजा रा धणीया,
थाने ओ ध्यावे आखों मारवाड़ ओ आखों
गुजरात ओ अजमालजी रा कवरा ||
खम्मा खम्मा ओ बाबा…||

भादु रेड़ी दूज ने चमकियो जी सितारो,
पालनिया मे झूलने आयो पालन हारो,
द्वारिका रा नाथ झूले पालनिये
अजमालजी रा कवरा ||
खम्मा खम्मा ओ बाबा…||

बड़ा है विरमदेव छोटा रामदेवजी,
धोरा री धरती पर आया आया रामापीरजी,
कूम कुम रा पगलिया मांड्या आगनिये
अजमालजी रा कवरा ||
खम्मा खम्मा ओ बाबा…||

सिरपे कीलंगी-तूररो केसरिया हे जामो,
भगता री भीड़ आवे भोलो पीर रामो,
भगता रो मान बडावनीया
अजमालजी रा कवरा ||
खम्मा खम्मा ओ बाबा…||

माता मेंणा दे ज्यारा पिता अजमाल जी,
सुगणा रा वीर राणी नेतल रा भरतार जी,
जगमग जोत जगावणिया
अजमालजी रा कवरा ||
खम्मा खम्मा ओ बाबा…||

डाली बाई बाबा थारा पगल्या पखारती,
लाछा ने सुगणा बाई करे हर की आरती,
हरजी भाटी रे मन भावनिया
अजमालजी रा कवरा ||
खम्मा खम्मा ओ बाबा…||

Khamma khamma o baba = Jetpuri goswami

🔸 अन्य लोकप्रिय भजन:
राजा भरतरी भजन
मारवाड़ी भजन |

🙏

आपके पास कोई भजन हो तो आप हमें हमें ईमेल mybhajanbook2011@gmail.com पर भेज सकते है हम आपके भजन को वेब साइट और एप्लीकेशन लिस्ट में जोड़ देंगे
धन्यवाद 🙏

भजन शेयर करें 🙏