भर दो मायरो कोना रात पड़ गई | Bhar do mayro

नरसी मेहता भजन

भर दो भर दो मायरो कोना रात पड़ गई
रात पड़ गई रे कोना शाम पड़ गईं
भर दो भर दो मायरो कोना रात पड़ गई

भिलनी काई थारे बुआ लागे,
जिन रो झूठो खायो
ऊंच नीच रो भेद मिटायों,
रूस रूस भोग लगायो

भर दो भर दो मायरो कोना रात पड़ गई

कर्मा काई थारे काकी लागे ,
जिन रो खीचड़ खायो
काबलिया रो पर्दा कर ने ,
रूस रूस भोग लगायो

भर दो भर दो मायरो कोना रात पड़ गई

धना भगत काई सगो लागतो ,
जिन रो खेत नीपजायो
बीज बाट संतो तो दीआ,
बिना बीज नीपजायो

भर दो भर दो मायरो कोना रात पड़ गई

मीरा काई थारे मासी लागे,
विष रा प्याला पाया
विष प्याला अमृत पाया,
आप पावण ने आया

भर दो भर दो मायरो कोना रात पड़ गई

कबीर काई थारे काको लागे,
जिन घर बालद लाया
खांड खोपरा मिश्री मेवा,
आप वनदावा आया

भर दो भर दो मायरो कोना रात पड़ गई

केवे नरसीडो सुनो सावरा,
आणो वेतो आईजे
भरी सभा में भूड़ों लागे,
यू काई लाज गमावे

भर दो भर दो मायरो कोना रात पड़ गई

Bhar do mayro kona raat pad gyi =GAYAK -Pehladsingh Charan

🔸 अन्य लोकप्रिय भजन:
नरसी मेहता भजन |
गुरु भजन

🙏

आपके पास कोई भजन हो तो आप हमें हमें ईमेल mybhajanbook2011@gmail.com पर भेज सकते है हम आपके भजन को वेब साइट और एप्लीकेशन लिस्ट में जोड़ देंगे
धन्यवाद 🙏

भजन शेयर करें 🙏