कठे रिया था राते ओ रात
KATHE RIYA THA RATHE O RAAT

कठे रिया था राते ओ रात टंणका,
कठे रिया था राते ओ रात वीरा,
कठे रिया था राते ओ रात,
कठे रे नौकाया रंग रा छोटना रे जी
कठे रे नौकाया रंग रा छोटना रे जी

गीयो तो गुमटियों ओ गाँव टंणका,
गीयो तो गुमटियों ओ गाँव ,
वठे रे नौकाया रंग रा छोटना रे जी ||

दे दी अपनी पेमल रे बहन टंणका,
दे दी अपनी नैनी रे बहन,
घोड़ी दे दी रे केसर कालवी रे जी,
डायचे देदी रे केसर कालवी रे जी ||

पेमल बहन रसोडा रो रूप टंणका,
नैनी बहन रसोडा रो रूप,
घोड़ी रे बिना सुनो रावलों रे जी ||

क्यों नहीं खायों कालो रे नाग टंणका,
क्यों नहीं खायों कालो रे नाग,
आगला बैरियों ने गले पा बांधिया रे जी ||

राठौड़ री अवलि ओ रीत टंणका,
राठौड़ री अवलि ओ रीत,
अवला बांधे माथा रे मोरिया रे जी ||

पिंडियों रा अवंला रे बाल टंणका,
पिंडियों रा अवंला रे बाल,
मूंछों रा बाल भोपनीये वालिया रे जी ||

सिमरू खेड़ा री ओ मां भवानी,
सिमरू खेड़ा ओ मां,
भारत में सिमरू रे भवानी चामुण्डा ओ जी ||

सिमरे ज्यों रे बेली रे आवो भवानी,
सिमरे ज्यों रे बेली रे आव,
पाबू रे आवो नी पगो रे पागड़े रे जी ||

बोलो पाबू राठौड़ री जय

कठे रिया था राते ओ रात टंणका = प्रहलाद सिंह (टोकरला)
KATHE RIYA THA RATHE O RAAT = PEHLAD SINGH
(PABU RATHOD BHAJAN)

🔸 अन्य लोकप्रिय भजन:
पिछम धरा सू म्हारा पीरजी पधारिया |
म्हाने कर मनवार पिलायो रे

🙏

आपके पास कोई भजन हो तो आप हमें हमें ईमेल mybhajanbook2011@gmail.com पर भेज सकते है हम आपके भजन को वेब साइट और एप्लीकेशन लिस्ट में जोड़ देंगे
धन्यवाद 🙏

भजन शेयर करें 🙏