भाई रे मत दीजो मावड़ली ने दोष,
कर्मा री रेखा न्यारी न्यारी !

भाई रे एक माता रे पुत्र चार,
चारों री करणी न्यारी-न्यारी
भाई रे पेलो तो है राजा रे दरबार,
दूजोड़ो हीरा पारखी,
भाई रे तीजो बजारां री हाट,
चौथोड़ो फेरे गूणियाँ ।।

भाई रे एक माटी रा बर्तन चार,
चारां री करणी न्यारी-न्यारी।
भाईरे पेला में दहिड़ो बिलोय,
दूजो मसाणां चालियो।
भाई रे तीजो पणिहारी रे शीश,
चौथोड़ो मिदम भाडियो ।।

भाई रे एक गऊ रे बछड़ा चार,
चारां री करणी न्यारी-न्यारी।
भाई रे पेलो सूरज जी रो सांड ,
दूजोड़ो शिव रो नांदियो ।
भाई रे तीजो घाणी वालो बैल,
चौथो बिणजारे लादियो ।।

भाई रे एक बेल रे तूम्बा चार,
चारां री करणी न्यारी-न्यारी।
भाई रे पेलो सतगुरुजी रे हाथ,
दूजोड़ो जळ जमना भर्यो
भाई रे तीजो तंबूड़ा री बीन,
चौथोड़ो भिक्षा मांग रयो

भाईरे कह गया दास कबीर,
कर्मों रा भारा मेट दो
भाई रे मत दीजो मावड़ली ने दोष,
कर्मा री रेखा न्यारी न्यारी ।।

BHAI RE MAT DIJO MAVDALI NE DOSH = ANIL NAGORI

🙏

आपके पास कोई भजन हो तो आप हमें हमें ईमेल mybhajanbook2011@gmail.com पर भेज सकते है हम आपके भजन को वेब साइट और एप्लीकेशन लिस्ट में जोड़ देंगे
धन्यवाद 🙏

भजन शेयर करें 🙏