भक्ति रो दान गुरु म्हाने देवजो
BHAKTI RO DAN GURU MHANE DEVJO

भक्ति रो दान गुरु म्हाने देवजो,
गुरु म्हारे देवा रा देवा रे,
जन्म धार बिछडु नहीं,
करू में चरणों री सेवा रे,
भक्ति रो दान गुरुजी देवजो रे,
भक्ति रो दान दाता देवजो रे !!

सब रे सूखों रो सुख नाम है,
गुरु कृपा कीजो,
भव रे सागरिया सु तार ने,
अपणो कर लीजो रे,
भक्ति रो दान गुरु म्हाने देवजो रे,
भक्ति रो दान दाता देवजो।।

कंचन मेर सुमेर है,
गज भूमि रा दाना रे,
करोड़ गऊ रे कन्या दान में,
तोय नहीं रे नाम समाना,
भक्ति रो दान गुरु म्हाने देवजो रे,
भक्ति रो दान दाता देवजो।।

राजपाट सुख सायबि,
वचना सुख नारी रे,
इतरा तो मैं मांगू नहीं,
गुरु म्हाने आण तुम्हारी रे,
भक्ति रो दान गुरु म्हाने देवजो रे,
भक्ति रो दान दाता देवजो।।

करामात करतुत है,
वेंकुंठा रा वासा रे,
इतरा तो सुख मैं मांगू नहीं,
जब तक पिंजरिया में साँचा रे,
भक्ति रो दान गुरु म्हाने देवजो रे,
भक्ति रो दान दाता देवजो।।

मर रे जाऊ मैं मांगू नहीं,
तन अपने रे काजा रे,
परमार्थ रे कारणे,
मांगत आवे नहीं लाजा रे,
भक्ति रो दान गुरूजी देवजो रे,
भक्ति रो दान दाता देवजो।।

धर्मिदासजी री विनती,
अविगत सुण लीजो रे,
अन्दर रा पर्दा खोल के,
गुरु म्हाने दर्शण दीजो रे,
भक्ति रो दान गुरूजी देवजो रे,
भक्ति रो दान दाता देवजो।।

“बोलो सतगुरु महाराज की जय”

“बोलो सतगुरु महाराज की जय”

BHAKTI RO DAN GURU MHANE DEVJO = HEMRAJ GOYAL