भैरू लटियाला | Bheru latiyala

थारे पगे, घुघरियों री मां, भैरू लटियाला,
सोनाणा रा नाथ भैरू लटियाला रे, हो जी।।
सारंगवा रे माय भैरू, लतियाळा,
लतियाळा, लतियाळा रे, हो जी।।

थारे चादुं तेल सिन्दूर, पियो मतवाळा।
म्हारा सोनाणा रा नाथ भैरू, लटियाळा।
मंडोवर सिरताज, भैरू लटियाळा,
लटियाळा, लटियाळा रे, हो जी।।

माँ ब्राह्मणीरा लाल, भैरू लटियाळा ।
म्हें तो आया थारे द्वार, भैरू लटियाळा
बड़ली रा सिरताज भैरू, लटियाळा,
लटियाळा, लटियाळारे, हो जी ।।

थारे कड़ा किलंगी जोर, भैरूजी लटियाळा ।
म्हें तो आयो थारे द्वार, भैरूजी लटियाळा ।
सुंधा रा अगवाण भैरूजी लटियाळा,
लटियाळा, लटियाळारे, हो जी ।।

थारे ढोलां री धरमोळ, भैरू लटियाळा।
थारे बाजे तालमताल, भैरूजी लतियाळा।
काशी रा कोटवाळ भैरूजी, लटियाळा,
लटियाळा, लटियाळारे, हो जी।।

Bheru latiyala = Shyam Paliwal