इंद्र राजा म्हारी अरज साभलों | INDRA RAJA MHARI ARAJ SAMBHLO | रामदेवजी भजन

इंद्र राजा म्हारी अरज साभलों रे,
आप रा वर्षीया ती मारा कारज चरे रे,
गायों वाली वेल पधारो इंद्र देवा रे ||

जेठ महीने पीरो वावलो वाज़े रे,
तपे तावडो धोम पड़े रे,
सात सायरीयो रा नीर परा सूखा रे,
नव खंडों में जणकार पड़े रे ||

आषाढ़ महीने तो पीरो अलख कर आशा रे,
कृषा ऊबा खरे रे मते रे,
धोरे धोरे तो वावो मोठ बाजरी,
पाले पाले ज्वार वावे रे ||

श्रावण महीने तो पीरो घेरों घेरों गाजे रे,
सूखा सरवर फेर भरे रे,
दादुर मोर पपीया घणा बोले रे,
आठों पोर आवाजों करे रे ||

भादरवा महीने तो पीरो भली कर आवो रे,
मुसलाधार मेहूडा बरसे रे,
नदी नाला तो पीरो आवे रे सौगुणा रे,
गायों ऊबी हरियो घास चरे रे ||

आशोजी महीने पीरो अमृत मेहूडा रे,
अमी फूआरो री छोट पड़े रे,
सीप सायरियों रा मोती डा नीपजे रे,
दरीयो उन्भो शकाल करे रे ||

कार्तिक महीने पीरो लोध लावणी रे,
धरती माते हाथ धरे रे,
अन्न धन पीरजी बढ़े रे सौगुणा रे,
कण कण सु कोठार भरे रे ||

म्हारी रे अरज पीरो वेगा रे पधारो रे,
लीले घोड़े हिस करे रे,
हरि रे चरणो में भाटी हरजी बोले रे,
भव तपिया भगवान मिले रे ||

इंद्र राजा म्हारी अरज साभलों रे,
आप रा वर्षीया ती मारा कारज चरे रे,
गायों वाली वेल पधारो इंद्र देवा रे ||