लीले घोड़े वाला ओ, धोलकी धजा वाला ओ
leele gode wala (भजन हिंदी में)
रामदेवजी भजन
लीले घोड़े वाला ओ,
धोलकी धजा वाला ओ,
म्हारे घर पधारो रे,
बाबा कलयुग रा अवतारी ,
थोने जाने दुनिया सारी,
लीला घोड़ा वाला ओ,
धोलकी धजा वाला ओ,
म्हारे घर पधारो ओ ||
अजमल जी रे आया,
कंकु रा शरण मंडाया,
कंकु रा शरण मंडाया,
दीयोड़ा वचन निभाया,
धोलकी धजा वाला ओ……||
माता मैणादे रे आया,
उफनतो दूध ढबाया,
उफनतो दूध ढबाया,
थोने पालनिये हुलराया,
धोलकी धजा वाला ओ……||
रूपा दर्जी रे आया,
कपडे रो घोड़ो उड़ाया,
कपडे रो घोड़ो उड़ाया,
दर्जी ने परचो वताया,
धोलकी धजा वाला ओ…..||
लाखी वणजारा रे आया,
मिश्री रो लुंन वनाया,
मिश्री रो लुंन वनाया,
वणजारा रो भर्म मिटाया,
धोलकी धजा वाला ओ….||
बाबा बालिनाथ रे आया,
भैरुडा ने मार भगाया,
भैरुडा ने मार भगाया,
रनुजो गांव वचाया,
धोलकी धजा वाला ओ….||
बाई सुगना रे आया,
मरियोड़ा भाण जीवाया,
मरियोड़ा भाण जीवाया,
सुगना री लाज बचाया,
धोलकी धजा वाला ओ….||
हरजी भाटी जस गाया,
शरणों में शीश निवाया
शरणों में शीश निवाया,
थे गुण बाबे रा गाया,
धोलकी धजा वाला ओ…..||
leele gode wala = Jetpuri goswami
🔸 अन्य लोकप्रिय भजन:
राजा भरतरी भजन
भेरुजी भजन |
🙏
आपके पास कोई भजन हो तो आप हमें हमें ईमेल mybhajanbook2011@gmail.com पर भेज सकते है हम आपके भजन को वेब साइट और एप्लीकेशन लिस्ट में जोड़ देंगे
धन्यवाद 🙏
