सुतो राणो सुख भर नींद मेवाड़ी राणा
Suto rano sukh bhar nind mewadi rana ( भजन के बोल हिंदी में)
मीरा बाई भजन
सुतो राणो सुख भर नींद मेवाड़ी राणा ओ,
सुता राणो ने सपनों आवियो
आयो-आयो आळ जंजाळ मेवाड़ी राणा ओ,
मीरां ने देखी रे भगवा वेश में।।
उठ्यो राणो आळस मरोड़ मेवाड़ी राणा ओ,
धम-धम. करतां महलां उतर्यो
उठो साथी करसलिया सिणगार मेवाड़ी राणा ओ,
परभाते जाणो मीरां रे मेड़ते ।।
सामा मिल गया ग्यां रा गवाळ मेवाड़ी राणा ओ,
मार्गियो बताय दे मीरां रे देश रो
डावी डांडी पुष्कर जी में जाय मेवाड़ी राणा ओ,
जिमणी जासी मीरां रे मेड़ते ।।
सामी मिलगी पानी री पनिहार मेवाड़ी राणा ओ,
घर तो बता दे मीरां रे बाप रो
सूरज सामी दूदाजी री पोळ मेवाड़ी राणा ओ,
केळ झाबूके मीरां रे बारणे।।
सामी मिळगी साधां री जमात मेवाड़ी राणा ओ,
बिच में मेड़तणी आवे नाचती
चढ़गी-चढ़गी राणाजी ने रीस मेवाडी राणा ओ,
काढ खडग़ राणो कोपियो।।
मीरा हो गई एकन री हजार, मेवाडी राणा ओ,
किसी मीरा ने राणो मार सी
मोडो जागीयो मूर्ख गिवार मेवाडी राणा ओ,
पेला तो जागतो तो स्वर्गा लेगती ।।
गावे गावे मदन गोपाल मेवाड़ी राणा ओ,
मुख सु बजावे मीरा बांसुरी
सुतो राणो सुख भर नींद मेवाड़ी राणो ओ,
सुता राणो ने सुपणो आवियो ||
🔸 अन्य लोकप्रिय भजन:
MEERA भजन |
MEERA भजन
🙏
आपके पास कोई भजन हो तो आप हमें हमें ईमेल mybhajanbook2011@gmail.com पर भेज सकते है हम आपके भजन को वेब साइट और एप्लीकेशन लिस्ट में जोड़ देंगे
धन्यवाद 🙏
